Martes, 31 de marzo

Bos días nenos e nenas!

O remate de marzo chegou e con el, as nosas ganas de saír da casa e desfrutar do bo tempo aumentan. Como xa sabemos, iso todavía non é posible. O que sí é posible, é levar a cabo tarefas na casa que nos divirtan e nos manteñan entretidos. Por iso, hoxe témosvos preparada unha sesión especial.

Comezaremos con Lingua Galega, onde traballaredes nos substativos, adxectivos e artigos.

En Ciencias Naturais, convertirémonos en científicos por un día e levaremos a cabo dous experimentos.

A que estás esperando para comezar?

 

No apartado de Lectura, propoñémosvos unha nova actividade, hoxe teredes vós o poder. Como é iso? Pois moi sinxelo. Primeiro debes pinchar na imaxe para acceder á historia que corresponda. 

Unha vez rematada a lectura, no canto de responder unhas preguntas de comprensión lectora, teredes que imaxinar que queredes comprobar se alguén comprendeu ou non comprendeu a historia. Deberedes pensar e facernos chegar, sete preguntas sobre a historia que axuden a identificar se se comprendeu ou non Ditas preguntas podedes deixalas plasmadas nos comentarios do blog, así os compañeiros e compañeiras poden tratar de resolvelas. 

Despedímonos ata mañá, deixándovos o reto diaria e dexesándovos un feliz martes, SEDE BOS!

Lunes 30 de marzo

Ola rapazas e rapaces! Que tal a fin de semana?

Esperamos que aproveitarades para facer cousiñas interesantes.

  CORREO, CORREO, CORREO... hai unha carta para o alumnado de 3º do Ceip de Roxos. Absterse de mirar todos aqueles que non formedes parte deste equipo.

Como sempre pincha na imaxe e le o teu correo. Ó final do mesmo hai unha proposta moi interesante, animáste?

Despois de poñerse o día co teu correo debes poñerte mans a obra para crear outra composición na área de Educación artística. Como sabemos que che gustan os animais... vamos alá!!

Aproveitamos para animarte a que nos enviés a obra dos círculos de Sonia Delaunay, se xa a fixeches, porque vamos facer unha composición con todos aqueles que xa nos enviástedes estes días e envies ó longo desta semana.

Xa para rematar deixámosvos cuns exercicios  de lingua castelá sobre os substantivos e adxectivos para repasar un pouquiño e non esquezas o traballado na aula.

Bo comezo de semana a todos e a todas,

preséntoche un novo reto, podes saír cousas moi chulas 

cabezas a funcionar...

Venres, 27 de marzo

Bos días nenos e nenas, que tal estades? 

O TAN ANSIADO VENRES XA CHEGOU!

Para rematar esta semaniña, hoxe propoñémosvos traballar as materias de Lingua Galega e Ciencias Sociais.

En Lingua Galega, repasarás os diferentes signos de puntuación que levas estudiado ao longo deste 3º curso. 

Como xa saberás, pincha nas imaxes para comezar a traballar!

Para seguir profundizando no tema 4 de Ciencias Sociais, elaboramos uns apuntes sobre os sectores de traballo. Unha vez lidos os apuntes, pinchade no pasapalabra. Para rematar a sesión, témosvos preparada unha pequena actividade a continuación do pasapalabra.

  

No apartado de Lectura, deixamos un enlace a un test de velocidade. É importante para mellorar a nosa lectura, ler cada día un ratiño. Esta páxina web recolle unha serie de lecturas, para facer en voz alta, nas que podes saber cantas palabras les por minuto e o tempo que che levou ler o texto enteiro. Practica e trata de mellorar a túa marca!

Despedímonos ata o Luns, deixándovos un novo pequeno reto. Anímate a facelo e a ensinárnolo, a ver que monstros tan chulos creades entre todos os membros da familia!

BOA FIN DE SEMANA!

Xoves, 26 de marzo

Bos días de xoves nenos e nenas! Como vai todo polos vosos fogares?

Hoxe en Artellando na escola, tócanos traballar Lingua Castelá e Ciencias Naturais, preparado/a?

En Lingua Castelá repasaremos as palabras derivadas e os sufixos e prefixos. En Ciencias Naturais traballaremos coa materia e as súas propiedades.

Para acceder as tarefas de cada materia pincha na imaxe.

  

Déixovos o vídeo de "La materia y sus propiedades" na seguinte imaxe, por si desde o PDF non podedes acceder a él.

Para rematar, pinchando na Lectura, atoparaste cun conto. Le varias veces a historia, prestando atención e comprendendo. Se atopas algunha palabra que descoñezas, podes consultala ou ben nun dicionario da casa ou senón visitando a Real Academia Galega pinchando no seguinte enlace (https://academia.gal/dicionario/rag).

Unha vez feita a lectura, podes comprobar se realmente comprendeches o texto, facendo as preguntas de comprensión lectora.

   

        

Estas tarefas non son obrigatorias nin avaliables, aínda así podedes enviarnos as tarefas de escritura e lectura se queredes que volas corrixamos.

Xa para despedirme, déixoche o pequeno reto de hoxe, unha competición en familia, ANIMÁDEVOS!

Mércores 25 de marzo

BOS DÍAS RAPACES E RAPAZAS!

 Preparados para a proposta de hoxe?  Nestas sesións vades ter a oportunidade de coñecer a alguén moi interesante, mais non queremos aditantarnos e xa o comprobaredes cando vos poñades man a obra.

Primeiro despertarás a túa curiosidade e lingua coa sesión de lingua galega. 

A continuación coñecerás a Sonia Delaunay coa proposta de Educación artística. Imaxe curiosa verdade? Anímote a clikar nela e aprender como elaborar a túa propia obra. Podes enviarme un correo para amosarme o resultado.



Finalmente escribirás unhas liñas para recordar algún momento agradable ou que che fixo sorrir. É importante nestes días manter unha actitude positiva e para logralo no día de hoxe podes levar a cabo esta iniciativa. Sigue os pasos que propoño pinchando na imaxe.



Esto é todo por hoxe....aínda que sempre podes animarte co reto de hoxe. Vamos alá. Dinos a través de comentarios se atopaches algún novo lugar.

Martes 24 de marzo

Benvidos e benvidas o espazo para terceiro!

Que tal estades?

Esperamos  que tanto vós como as vosas familias estedes ben. 

Nos temos moita gana de vervos e voltar a traballar xuntos por iso creamos este blog.

Primeiramente, deixovos pinchando na imaxe, unhas recomendacións para organizar os vosos días e que sexan máis amenos.

 

Seguidamente, traballaremos a área de lingua castelá e ciencias sociais. Por último, non olvidedes ler un anaquiño dalgún libro que sexa do voso interese, primeiro en voz alta e despois para vós.

Para rematar a proposta de hoxe animávosvos a realizar o seguinte reto. Veña é moi doado! Contádenos a través de comentarios se lográstedes facelo. Unha aperta moi forte!

Benvidos ó noso recuncho

Queridos/as alumnos e alumnas, estimadas familias:

Somos Noa e Mónica, as titoras de terceiro. Creamos este blog para que poidamos estar un pouco máis en contacto ademais dos correos que vos deixamos ó  final da páxina e que estes días separados se fagan máis fáciles.

A situación que estamos a vivir é moi diferente ó que estamos acostumados e cada familia vivímola de forma distinta. Por iso a nosa intención é publicar diariamente unhas actividades que nos permitan repasar un pouco o que fixemos ó longo do curso, tamén propoñervos retos e actividades divertidas, así como, recursos que hai na rede e vos poidan servir para aprender e entretervos ó mesmo tempo.

Pequenos e pequenas xunto coa vosa familia decidide como organizarvos, horarios, rutinas, materiais cos que contades… trátase de crear un espazo de aprendizaxe, contacto e intercambio de experiencias e por encima de todo un espazo agradable para todos nós.

Ante calquera dúbida, proposta, suxerencia… tanto de pais e nais como vosa non dubidedes en contactarnos. Como ben sabedes camiñamos todos e todas na mesma dirección e cun obxectivo común.

Esta é unha situación nova para todos, á que nos temos que ir adaptando segundo vaia pasando o tempo.

Esperamos os vosos comentarios no blog e por suposto un correo as vosas mestras para contarnos que tal estades.

Podes pinchar na imaxe para enviarnos un correo.

Unha moi forte aperta!