Mércores, 13 de maio

Bos días rapaces e rapazas, 

como dixemos estamos a conmemorar a semana das letras galegas e por iso hoxe haberá algunha sorpresiña no noso espazo.

Hoxe traballaremos sobre a área de lingua galega, educación artística e para rematar unha lectura.

Na área de lingua galega traballaremos con Ricardo Carvalho Calero, o escritor homenaxeado este 2020 nas letras galegas. Se queres aprender e saber un pouquiño máis del pincha na imaxe.

Continuaremos traballando na área de educación artística. Dado que levamos varias sesións hoxe aprenderemos a facer un material moi sinxelo a través de materiais que temos na casa, para gardar os nosos traballos e se manteñan en bo estado moito tempo. É unha forma tamén de organizalos.

Finalmente acabaremos cunha sesión de lectura, como é costume, deixámosche unha historia xunto cunhas preguntas para ler e que reflexiones. Pero dado que é un conto que todos escoitástedes algunha vez tamén cho quixemos contar, por iso pincha antes de nada no título.

Boa sorte? Mala sorte? Quen sabe! 

Sen máis deixámosche cun novo reto, ata mañá.